من عطاهم الحق ..........!!

يغمرني الأسى ويحز في نفسي أن أكتب لكم وأصف جريمة تقترفها الفتاة في حق نفسها......

الظاهرة التي انتشرت وبشكل فظيع وهي

كتابة عبارات سفيهه ومبتذله على عبايات النساء منهم من تكتب على العباية

Follow me اي إلحق بي <<<< وكأن الناس مايفهمون باللغة

واللي تكتب إسمها وتزخرفه كانه نك نيم والا بطاقة جامعيه

واللي تخط حرفها بالخط العريض اللامع على ظهرها

واللي من كثر الإعتزاز بقبيلها تكتب

(اسم قبيلتها) وأفتخر

خلاص كل الناس تفتخر باصلها وبقبيلتها بس مالقيتى الا هالطريقة تتفاخرين فيها

والأدهى....

والأمر....

واللي يصرع....

اللي تكتب لك

(( إذا في امك خير إلحقني ))

إما انها تهدد <<<< وكنها تقدر تطق
وأيضاً
البنت اللي كتبت عنها حتى الجرايد الخليجية

واللي كانت كاتبه على عبايتها

(( أتحداك تلمسني ))
عرض صريح.......؟؟

ماناقص الا تكتب عليه.......

تخفيضات 50% على اللي يلمسنى

أعزائي
القضية هنا ماتمس العادات والتقاليد فقط تمس الدين أيضاً.......

الظاهرة هذي نتاج شخصيات متقلقله تافهه غير واعية فاقدة للتمييز
شخصية يطلق عليها مايسمى بالإمعه........

فهي بدأت ومن ثم انتشرت

وكيف انتشرت.........؟؟

كل هذا نتيجة لسطحية التفكير وضعف الوازع الديني

وفقدان السيطرة على زمام الأمور وإيجاد حل للمشكلة بعقلانية وتروي وإنضباط

كل هذا نتيجة لسطحية التفكير وضعف الوازع الديني

وفقدان السيطرة على زمام الأمور وإيجاد حل للمشكلة بعقلانية وتروي وإنضباط

هذي نتيجة ........ ارخاء العصا وعدم مسكها من النص
ماهي الفتاة بدون عفه وحياء وشرف؟؟

وماهو الحجاب إن لم يكن يؤدي الغرض الذي شرع من أجله؟؟.....

السؤال...
اين اولياء الامور...اين الاب؟
من عطاهم الحق ليكتبو على العباة هـذه العبارات ؟
...من اشترى تلك العباءة؟....

موضوع اثارني وحبيت انقله وانتكلم فيه